Ве информираме дека Атлетската федерација на Македонија согласно Развојната програма 2020-25 , започна со реализација на проект „ Детска Ателтика „ , поточно ќе реализира Атлетска лига за дечиња на возраст од 7 до 10 години , по програма на Светската атлетска федерација кој ќе опфати формирање на специализирани секции во склоп на Атлетските клубови со соодветни реквизити за спроведување на тренинг во текот на целата година , со кое е предвидено и да се организираат 10 атлетски натпревари во 7 градови во Републиката , и тоа : Охрид , Тетово , Куманово , Прилеп , Кавадарци , Велес и Скопје .
Целта на овој проект е зголемување на свеста кај граѓаните за спортските активности и зголемувањето на натпреварувачкиот дух кај децата , преку анимација и континуиран тренажен процес во текот на целата година , а со тоа и развој на атлетските клубови и рана селекција на децата преку насочување кон атлетскиот спорт .
Па така , денес Ателтската федерација на Македонија ја реализира втората фаза од акцискиот план на проектот „ Детска Ателтика „ и на ателтските клубови носители на проектот им додели „ Специализиран сет за Детска атлетика „ како би можеле да го збогатат тренажниот процес .
Клубови кои се опфатени со проектот за 2021 година се :
- АК Делта од Скопје
- АК 7ми Мај од Скопје
- АК Куманово од Куманово
- АК Лириа од Скопје
- АК Работнички од Скопје
- АК Охрид од Охрид
- АК Студенти од Тетово
- АК Стеваноски од Прилеп
- АК Кавадарци од Кавадарци
Проектот е планира за период 2020 – 2025 година , со тенденција да секоја година се зголемува бројот на атлетски клубови вклучени во истиот .
