Актуелно

НАЦИОНАЛНО ПРВЕНСТВО ЗА МЛАДИ МЛАДИНЦИ-КИ 21.08.2020 СКОПЈЕ

Ве информираме дека Атлетската федерација на Македонија согласно својот предлог календар за Атлетски натпревари и одлуката на Извршниот одбор на АФМ од 07.08.2020 год. , ќе организира „ Национално Првенство за Млади Младинци-ки  „  на ден 21ви Август 2020 година ( петок ) во Скопје со почеток во 17:00 часот .

Забелешка : Националното првенство ќе биде со критериумски карактер за предстојното Балканско Првенство за Младинци-ки кое ќе се одржи на 12ти – 13ти Септември 2020 год. во Истанбул / Турција .

Право на учество: Натпреварувачи-ки регистрирани во АФМ  со исправна легитимација, пријавени од страна на клубовите со задолжителен лекарски преглед не постар од 6 месеци со обврска да го прикажат пред подигање на стартен број , родени 2003та и помлади . Учество Надвор од конкуренција ќе биде дозволено доколку се пријавени најмалку 3ца во дисциплина .

Дисциплини:

МАЖИ: 100м, 200м , 400м, 1500м, 3000м, 4х100м , далечина, височина, ѓуле , копје , диск

ЖЕНИ: 100м пречки, 100м, 200м , 400м, 1500м, 3000м, 4х100м , далечина, височина, ѓуле , копје , диск

Пријава :

Пријавите да се потполнат и испратат , најдоцна до 19ти Август 2020 год, ( среда ) до 15.00 часот , на следнава е маил адреса : j.jankovski@hotmail.com , некомплетни и задоцнети пријави нема да се прифатат .

 Пропозиции за натпреварот : 

-Дисциплините на Поединечното првенство можаат да се одржат ако се пријавени и настапат најмалку (3) три натпреварувачи-ки

-Дисциплините на Поединечното првенство се во согласност со правилата на АФМ

-Кај трчањата до 400м, ако има пријавено повеќе од 8 натпреварувачи-ки, трката се одржубва по квалитетни групи кои се формираат врз основа на пријавените резултати а вкупниот пласман се одредува по резултат.

-Кај скоковите и фрлањата ако има пријавено повеќе од (6) шест натпреварувачи-ки сите учесници имаат право на три обиди, а шест до тогаш најуспешните добиваат право на уште три серии. Доколку има пријавено помалку од шест сите имаат право на шест 6 серии.

-Почетната висина и подигање на летвичката кај скоковите ќе се одреди на техничкиот состанок

Ограничување:  Натпреварувач може да настапи во две дисциплини и штафета , натпреварувач кој ќе настапи на 3000 метри не може да настапи во друга дисциплина.

Награди: Прогласување на победници нема да се спроведе , дипломи од натпреварите ќе се испраќаат по електронски пат. Резултатите ќе се објавуваат по електронски пат по завршување на секоја дисциплина на нашите социални медиуми .

Напомена : ДОКОЛКУ СЕ ПРОМЕНАТ РЕСТРИКТИВНИТЕ МЕРКИ, ПРОТОКОЛОТ МОЖЕ ДА ПРЕТРПИ ИЗМЕНИ , А СО ТОА ДА ДОЈДЕ И ДО ОТКАЖУВАЊЕ НА ПРЕДВИДЕНИОТ НАТПРЕВАР .