Дарија Крстевска постави нов младински национален рекорд во полумаратон

Македонската атлетичарка Дарија Крстевска, членка на АК Олимп, постави нов национален рекорд за младинки до 20 години во полумаратон, откако на своето деби на оваа дистанца оствари резултат од 1:25:42.
Крстевска го подобри досегашниот младински национален рекорд за 6 минути и 44 секунди. Претходниот рекорд изнесуваше 1:32:26 и беше во сопственост на Даниела Кулевска, поставен на 15 март 1998 година во Скопје.

Со тоа, Дарија собори рекорд стар повеќе од 28 години, и тоа уште при својот прв настап на полумаратонската дистанца.

Покрај националниот рекорд, Крстевска го освои и шестото место во генералниот пласман, а беше најдобропласирана македонска натпреварувачка во женска конкуренција.
Резултатот од 1:25:42 претставува уште еден значаен чекор во развојот на младата атлетичарка на АК Олимп, која досега настапуваше претежно на пократките средни и долги патеки.